Laag

D Sittlisalp gheert zu dä greeschtä Ürner Alpä und liit uf dr weschtlichä Talsitä vum Brunnital uf ärä Heechi zwischet 1600 und 1800 Meter. Mä chunnt güät drzüä dank dr 1999 niiw erschtèlltä Säilbahn.

Bsunderhäit

Diä Alp wird vun ärä Sännägnossäschaft, wo üs fiif Familiäbetriibä zämägsetzt isch, bewirtschaftet. D Sittlisalp het äs äiges Wasserchraftwärch mit ärä Läischtig vu 25 kWh. Uf em Alpbodä git äs diversi Ubernachtigsmegglichkäitä. Fir agmäldeti Gruppä git äs äü Fiärigä dur diä zentrali Chääserii. Diä Muldälandschaft (romanisch: ad situlas) het dr Alp megglicherwiis dr Namä ggä.

Chääs

Dank dr äiggnigä Chääserii wärdet rächti Mängenä verschaffet, nämli jedä Tag bis gägä 3500 Kilo frischi Milch. Produziärt wird ä Alpchääs üs Rohmilch und ä Ankächääs. Härgschtellt wird aber äü Alpä- und Chritterankä, Jogurt und Ziger.